Hefnendurnir

Símtal til Svartálfalands, annar hluti! Hefnendurnir heillast af nýjasta afkomenda Jar Jar Binks, ranghvolfa augum yfir fljúgandi typpaleysis-uppbót Musks, gleðjast mismikið yfir gleebooti, hlakka til SodenBatmans og segja bless í bili við grænu luktirnar.

Hefnendurnir skauta á hálum svartálfa-ís, bera sama goðafræði Snorra og Stan Lee, gleðjast yfir yfirvofandi endurkomu Doktorsins, tuða yfir fyrstu persónu Indjána-Jóns, bera sama popp-fernu og ofurhetju-fjarka og fyllast kvíða yfir kross-brenglaðri myndasögumynd.

Hefnendurnir smjatta á hugverkahnupli Aronovskys, spila sjónvarpsþáttaspil, spá í spjótin sem beinast að Colberti, furða sig á földum söngleikjum og sigla enn dýpra inn í spoooooky season

Hefnendurnir hringjast milli landa og ræða tengsl Georgs Washington og Michael Myers, flótta Finchers frá flixinu, hæga hesta og áframhaldandi baráttu Tinna við Ástrík.

Hefnendurnir flækja fyrir sér innkomu Bullseye, hneykslast á greddu Rómeó og Júlíu, verða vonsviknir yfir geimveruhönnun Birds, flissa að gollum-stærðar-misskilningi Jansons og fatta að Rock og Stifler hafa verið tvisvar saman í mynd.

Hefnendurnir horfa á hluti og tala um hlutina sem þeir horfðu í þessum sérstaka "horfa á hluti" þætti.

Hulli og Ævar ræða gleymda Curry fjölskyldu, Ghost Rider teikningar, Star Trek potta, japanska tölvuleiki, blandaðar hnetur og duglega froska.

Hefnendurnir ræða um sveiflur Shyamalans, litlausann Potter, kínverskar kýr, gallann við fullkomnar myndir og Peter Pan prump Spielbergs.

Hefnendurnir snúa fílelfdir aftur úr sumarfríi og ráðast á mikilvægustu málefnin!: Kosningagrafík! Ung X-menni! Stútinn á Knightley! Fjöldafráföll snillinga! Rofin snagagöt! Og góða og græna lampa!

Hulli og Ævar heilsa uppá haustið, segja bless við Blade, segja hæ við Emmu Frost, telja upp sumarlegustu sumarmyndirnar, rýna í persnesk dvergaskegg og fagna nýrri kóngulóarræmu!

Hetjurnar ræða fall Letós, fregnir San Diego og ferðalag Ódysseifs.

SÖKUM TÆKNILEGRA ÖRÐUGLEIKA er enginn nýr Hefnendaþáttur í dag!!! Til að bæta ykkur það upp ætlum við að pósta sérvöldum þætti að Patreon síðunni okkar. Það er þátturinn um Morbius. Við biðjumst afsökunar og lofum glænýju hefni í næstu viku. Koss.

Hefnendurnir hafa áhyggjur af Tick ruglingi, átta sig á aldri iMax, skipta sér af Skerjagarðsdrama og syrgja Sam.

Hefnendurnir rannsaka mútanta Íslandssögunnar, rugla saman Carpenter og Gomez, spá í hrukkur Ali G og láta sig dreyma um vélvini framtíðarinnar.

Strákarnir ræða um Helsinki syndrómið, áhrifavaldarassa, píkuhallir, nornahreima, gervi-wonka, endaleysuframhöld og ofurstelpur.

Ævar fer yfir helstu animationfréttirnar í okkar júniversi og Hulli bjargar Marvel Cinematic júniversi En hvorugir botna þeir neitt í quantum júniversi (Hey það er nú einu sinni júní(versi)).

Strákarnir spjalla um óþarft áframhald Austins, meltingarfæri hvals, nýjustu geimverumynd geimverumeistarans, íslenskar poppfötur og Arthúr Björgvin Bollason.

Ævar mikli og Hulli litli ræða um upphaf nördahaustsins, fráhvarf doktorsins, endurgerða sjóræningja, framhaldna fugla, klippta tittlinga og tik tok villinga.

Hulkleikur og Ævorman taka símafund yfir hafið um mandolínmanninn, falsaðan ofurhetjuhöfund, endurtekinn nýju-jórvíkurflótta, hnefaleikahæfileika útikatta og endalok strákanna.

Félagarnir voga sér í dýfuna, kýla í fötuna og fara gaumgæfilega yfir kvikmyndasumarið 2026.

ÆvorMan og Hulkleikur póka hvorn annan í mon, hafa uppá vampýrum í sjöheimi og skella sér á date night í stjörnuþoku langt langt í burtu.

Hulli upprifjar uppistand, Ævar púslar Pratchett, báðir blaðra um Ofurhugabrölt, Goðheimagusugang og Tinnatjón.

Hulkleikur og ÆvorMan minnast liðinna skiptikorta, velta fyrir sér verðbólgu ástarinnar og telja upp besta dósahláturstilefnið á youtube.

Félagarnir forðast að fara yfir faðm-protocol, tala um traðk á tinnarétti, detta í djúpa digital dótaskúffu, týnast í tölusettum tímalínum teiknimyndasögurisa og leiðrétta lygar um lýtalæknaðan lagasmið.

Hulli og Ævar spila kvikmynda-sudoku, fagna nýjum ritstjóra upplýsingastríðsins og flótta sléttuúlfsins undan skattaafskriftum, eru misspenntir yfir leirkallastiklu og reyna að muna hvað í ósköpunum bækurnar hétu þarna með stelpunni og stráknum og apanum þarna sem sami og gerði Tinna gerði.

Endur hefndarinnar fá Þorstein Joð til að finna góða þýðingu á Intellectual Property, reyna að éta hina ríku áður en þeir éta okkur, skammast útí loftbeyglaraþjófa og fagna komu Bullocks á grammið.

Hefnendurnir fara enn og aftur í tiltölulega niðurstöðulaust umræðuferðalag um óumflýjanleika gervigreindarinnar, endurreista undraheima, ekki svo fantastic mr. fantastic og aldur Jasons Voorhees.

Hulkleikur Dagsson og ÆvorMan Grímsson búa sig undir páskahret með því að etja saman eingyðistrú og fjölgyðistrú, lúffa fyrir erfiðleikum streymisveitusveltis og minnast lítilega á elskhuga gilmore mæðgna.

Öndunarvélarbræðurnir taka nauðsynlegt spjall um live action disney remake slop, líkamshrylling oflimaðs kónulóarmanns, gervigreind Orsons Wells, brottför Chuckys og hljómsveitina 30 seconds to ass.

Leikur Hulksins og Maður Ævorsins fara yfir afhendingar akademíunnar, vandræði vampýrubanans og grænbúningaleysi geimlögreglunnar.

Hefnendurnir taka heljarstökk í þróunarsögu sinni og kynna til sögunnar nýja áskrifatrmöguleika! Hverjir halda þeir að þeir séu? Stöð tvö árið 1986? But seriously, folks. Tékkið á Patreon.com/hefnendurnir ef þið viljið gerast Neðanjarðarbúar.

Krútturassarnir fá Sandrés Önd í heimsókn og þau spyrja hvort annað spurninga eins og: Hvernig fljúga risaskjaldbökur? Afhverju hunsar akademían mútanta? Hver verður næsti doktor? Og í alvöru, hvað er svona gott við La La Land? Ég meina í alvöru? HVAÐ?! Ó vorum við búnir að tala um þetta?

Hullsubrauðið og Ævarosturinn ræða ljósmyndir af limum, skilning á skaupinu og pönkleysi Potusar áður en þeir rökræða hina ultimate spurningu: hvort er betra, risaeðlur eða dans?

Hulkleikur og Ævorman hittast til að kryfja uppáhalds sjónvarpsþætti sína á síðasta ári en fara fjallabaksleið að því eftir eigin höfði, með stuttum stoppum í Razzievík, Hvíta Forn-Egyptalandi og MonkeySpankfirði.

Drengirnir okkar hugprúðu gera sitt best til að afsaka fjarveru sína síðustu viku en tekst það ekki alveg en í staðinn tala þeir um barnagirnd Súpermanns, bessaleyfi Bryans Singer og sex ég meina níu bestu kvikmyndir síðasta árs.

Hulkleikur og Ævorman reyna að díla við sviplegt fráfall íkonsins Carrie Fisher með veruleikaflótta og hugleiðingum um tímans þunga gang. Þátturinn er seinna á ferð en vanalega. Það var eins og hann tafðist til þess eins að Hefnendurnir gætu kvatt Carrie sem hefur gefið okkur...

Til að fagna því að uppáhaldsbúðin þeirra í heiminum, Nexus, er nýr styrktaraðili Hefnendanna rifja Hulkleikur og Ævorman upp Nexus sýningar á árinu, tala aðeins um trailera og vafra síðan yfir á jarðsprengjusvæði ofursamkynhneigðar og ástir á stríðslínum á sinn klunnalega en einlæga máta.

Hulkleikur og Ævorman ræða eigin sköpunarverk ofurhetjubækur og fangelsisþætti, óskir sínar hvað gjafir varðar og stærstu kvikmynd ársins, Rogue One.

Strákarnir snúa aftur til að verma skammdegishjörtu jarðarbúa með léttu hjali um allskonar skemmtilegt dót. Hvaða dót? Nú til dæmis nútímanasista, hina stöðugu baráttu óreiðu og skipulags, hvað Dr. Strange er flott mynd og svo lesa þeir langan lista um sci-fi þætti. Er það ekki bara fínt? Jú.

Í tilefni af sínum hundraðasta þætti ætla Hefnendur að gera það sem þeir gera best… tala… bara það… tala… um allskonar… ekkert gimmick, engir dagskrárliðir, bara tveir hefnendur að tala um hluti. Tali tali tali. Í hundraðasta veldi. Knús og kram! Hulkleikur og Ævorman. Þormóður Dagsson sá um flutning á intróinu að þessu sinni.

Réttarhöld eru haldin yfir hetjunum okkar þar sem Ævorman og Hulkleikur þurfa að verja sig gegn ásökunum saksóknarans Erik The Viking og svara fyrir glæpi sína gegn jarðarbúum. Allt er lagt að veði, njósnir, feðraveldið, hár og hunsun í æsispennandi réttardrama og nítugasta og níunda þætti Hefnendanna.

Hefnendurnir stigu upp á svið á Húrra um daginn ásamt Fílalagsbræðrum og fluttu þátt fyrir framan “live studio audience”. Sú taumlausa gleði var tekin upp og nú geta jarðarbúar hlustað á Hulkleik og Ævorman velta fyrir sér verðleikum Jobsanna, hvað Hulli og pabbi hans horfa á saman á kvöldin; og hvort vinnur í slag, Star Trek eða Star Wars? Njótið heil!

Eftir hressandi hundasund í Dauðalauginni pæla Hullinn og Ævarinn í pésé húmor, Stebba steik, nýjum Refsara og hetjunum í sviðsljósinu, áður en þeir skella sér í eitt verulega feitt maraþonáhvaðertuaðglápa.

Hefnendurnir ræða um hvort sé merkilegra umræðuefni, Óskarsverðlaun eða klósettpappír. Svo tala þeir um auglýsingar í súpuskál og fjarlægt fyrirbæri sem kallast ást.

Ævorman snýr aftur í fang Hulkleiks og þeir tala með munnunum sínum um athyglisbresti, hvítasta óskarinn og fæðingu þjóðar, Kisuna Kevin og ómeðvitaðan brandaraþjófnað.

ÆvorMan er upptekinn við að bjarga heiminum Þannig að Hulkleikur fær Lobo Hjálmtýsdóttur til að halda rassafari hans volgu á meðan. Þau ræða um gagnsleysi giftinga, andlát Alans, orðaleiki Arnolds og einelti gegn elítunni í þessum athyglisverða og athyglislausa þætti.

Hetjurnar okkar vafra vammlausar inn í nýja árið og umvafnir vafasömum brókartöfrum púkakóngsins syrgja þeir fallna geimhetju, tala smá um veðrið, taka smá dansútúrdúr og taka síðan á sig rögg til að ræða um gúrmelaði nördahlaðborðs komandi árs

Heimsumhullinn og Jólhann Ævar taka fyrir átján af helstu menningarþrekvirkjum ársins sem var að líða í þessum glimrandi skemmtilega, árvissa áramótaannáli hefnenda og halda ennfremar upp á afmæli frelsarans frá Manhattan.

Hullaskellir og Ævasleikir heyrast símleiðis frá sitthvoru jólaævintýrinu og skeggræða jólasveina, jesú, star wars og önnur trúarbrögð í þessum viðburðarríka vetrasólstöðuþætti.

Gætið ykkar! Nú byrja Hefnendurnir! Í dag fjalla þeir um hvað það er erfitt að vera frægur, bera saman nasista og daleka, óska sér fleiri jólagjafa frá uppáhaldsbúðinni sinni Nexus – áður en þeir halda á vit ævintýranna með epísku spjalli við sveppagreifann Stefán Pálsson um Sval og Val.